Nú fer sýningum að ljúka á leikritinu Epli og eikur sem Hugleikur sýnir í Möguleikhúsinu. Höfundur er Þórunn Guðmundsdóttir, en leikstjóri Oddur Bjarni Þorkelsson. Síðustu sýningar eru:
Miðvikudag 18. apríl
Fimmtudag 19. apríl -Allra síðasta sýning
Sýningar hefjast klukkan 20.00 og miðapantanir eru á hugleikur.is og í síma 551 2525. Miðaverð er kr. 1.500.
En því fer fjarri að Hugleikur sé hættur í vetur.
Nú standa yfir sýningar á verkinu Bingó sem Hugleikur frumsýndi síðastliðinn laugardag í samvinnu við Leikfélag Kópavogs. Þá frumsýningu bar einmitt upp á 23 ára afmæli félagsins. Bingó er einnig síðasta sýningin sem Leikfélag Kópavogs sýnir í Hjáleigunni við Félagsheimili Kópavogs. Höfundur verksins er Hrefna Friðriksdóttir og leikstjóri er Ágústa Skúladóttir.
Einnig var brotið blað í sögu Hugleiks síðasta sunnudag, en það var í fyrsta sinn sem leikfélagið sýndu tvær sýningar samtímis. Þá voru samtímis 10. sýning á Eplum og eikum og 2. sýning á Bingó.
Næstu sýningar á Bingó eru:
Fimmtudag 19. apríl
Laugardag 21. apríl
Sunnudag 22. apríl
Miðvikudag 25. apríl
Miðapantanir eru á hugleikur.is og í síma 823 970. Miðaverð er kr. 1.500.
Ekki er síðan allt búið enn hjá Hugleik. Síðasta einþáttungadagskrá vetrarins verður í Þjóðleikhúskjallaranum 22. og 26. apríl. Á boðstólnum verða fjórir nýir einþáttungar auk þess sem leiklesin verða nokkur valin atriði úr leikritum frá fyrstu starfsárum félagsins.
Húsið opnar kl. 20:30, en sýningar hefjast kl. 21.00.
Miðaverð er kr. 1.000.
Hugleikur klárar síðan leikárið með tónlistardagskrá í Þjóðleikhúskjallaranum í lok maí. Nánar auglýst síðar.
{mos_fb_discuss:2}
