(Sjá umsóknarform neðst á síðunni)
Námskeið í leikhúsförðun og gervagerð 24.-25. janúar 2026. Leiklistarskóli Bandalags íslenskra leikfélaga býður upp á námskeið í leikhúsförðun og gervagerð dagana 24.-25. janúar 2026. Kennari er Ásta Hafþórsdóttir sem er einn fremsti förðunarmeistari landsins og þótt víðar væri leitað. Kennt verður í húsnæði Reykjavík Makeup School að Krókhálsi 6 í Reykjavík. Námskeiðið hefst laugardaginn 24. janúar og lýkur sunnudaginn 25. janúar. Námskeið hefst kl. 10.00 hvorn dag og stendur til 16.00. Gert ráð fyrir 45 mín. hádegishléi. Lögð verður áhersla á grunnförðun í leikhúsi fyrri daginn en seinni daginn fá nemendur að leggja áherslu á atriði sem þeir kjósa. Meðlimir aðildarfélaga Bandalagsins hafa forgang að námskeiðinu en aðrir geta sótt um ef laus pláss verða.
Námskeiðslýsing:
Tveggja daga námskeið í gervum fyrir leikhús, farið verður í grunnatriði þegar kemur að karaktersköpun, hárkollum, grunnsminki, og margskonar hagnýtri tækni.
Dagur 1:
# Fyrirlestur og slideshow
# Sýnikennsla í að undirbúa hár fyrir hárkollur
# Sýnikennsla í sminktækni, fyrir öldrun, karakter ofl
# Sýnikennsla í að líma á latex nef
# Umræða um karaktersköpun
# Undirbúningur fyrir næsta dag / hugsa hvaða karakter viðkomandi vill gera
Dagur 2:
# Undirbúningur fyrir karakter
# Nemendur gera sjálfir hver á öðrum
# Í boði verða hárkollur af ýmsu tagi og einnig nef til afnota
Námskeiðsgjald er 65.000 kr. og greiðist fyrir 6. janúar 2026. Krafa verður send í banka á kennitölu greiðanda.
Allt efni er innifalið í námskeiðsgjaldi. Boðið verður upp á létta næringu meðan á námskeiði stendur.
